Kryeministri në detyrë njëherish kryetari i LVV-së, Albin Kurti ka vizituar sot qytetin e Shtimës.

Me anë të një postimi në Facebook, Kurti tha se bashkë me kryetarin e komunës Qemajl Aliu vizituan fabrikën e prodhimit të tubave të çelikut e konstruksione metalike, transmeton Arbresh.info.

Kurti tha se me Aliun për kryetar edhe në katërvjeçarin e ardhshëm konfirmohet e shtohet vëmendja edhe në nivel lokal për bizneset e Shtimes.

“Shtimja ishte ndalesa e radhës pas Vitisë. Vizituam së bashku me kryetarin Qemajl Aliu kompaninë Exim Metal, e cila prodhon tuba të çelikut e konstruksione metalike. E themeluar prej 25 vitesh dhe me mbi 50 punëtorë, kompania ka arritur të depërtojë në treg duke eksportuar prodhimet dhe shërbimet e saj edhe jashtë vendit”, ka shkruar Kurti.

“Qeveria është përherë në mbështetje të bizneseve duke i përkrahur në rritjen dhe zgjerimin e aktivitetit të tyre. Me Qemajl Aliun për kryetar edhe në katërvjeçarin e ardhshëm konfirmohet e shtohet vëmendja edhe në nivel lokal për bizneset e Shtimes”, tha Kurti./Arbresh.info